عابر سبيل يقتل تمساحاً في عمريت

نقلا عن كاتب المقال: //حالة وإن كانت نادرة فإنها تستدعي البحث والتقصي والدراسة خشية أن يكون للتماسيح وجود غير معروف قد يهدد حياة السابحين والمصطافين الذين يرتادون المكان بكثافة في العطل وأيام القيظ.// شي بضحك مو هيك؟؟؟ وأنا عم إقرأ هالمقال أول ما تبادر لذهني إنو شي حلو يكون لسا فيه هيك أنواع حيوانات كنا متوقع إنها منقرضة من مناطقنا وإنو لازم يكون فيه سعي في حال وجودها لتأمين محمية خاصة بها والعمل على زيادة إعدادها واللي ممكن بالمستقبل تدعم -السياحة- بس يبدو كاتب هالمقال عندو خشية من أن يكون هناك أي تماسيح أخرى ....لأ وموناقص إلا يطالب بالبحث عن أي تماسيح وإعدامها بدل من إنشاء محمية لحمايتها ... يبدو صار فينا متل ماصار بالكسوف :العالم كلو كان ميتابعو لحظة بلحظة إلا الإعلام عنا وصفلنا الكسوف متل كأنو وحش جايي تياكل الأخضر واليابس //ويا عالم يا ناس تخبو ببيوتكو//